კონფიდენციალურობის პოლიტიკა

1. რა მონაცემებს ვაგროვებთ

ანგარიშის შექმნისას შეიძლება შევინახოთ სახელი, ელფოსტა, ტელეფონი, ქალაქი, პროფილის ფოტო და შენ მიერ მითითებული სასწავლო ინტერესები. მასწავლებლის შემთხვევაში დამატებით ვინახავთ სპეციალიზაციას, გამოცდილებას, ფასს, აღწერას, ენებსა და ხელმისაწვდომობას.

2. საჯარო ინფორმაცია

დამტკიცებული მასწავლებლის პროფილზე საჯაროდ ჩანს სახელი, ფოტო, ქალაქი, სპეციალიზაცია, გამოცდილება, თვიური საფასური, აღწერა, სასწავლო ენები, ხელმისაწვდომობა და ტელეფონის ნომერი. ტელეფონი საჯაროა იმიტომ, რომ კატალოგის სტუმარმა შეძლოს პირდაპირი დაკავშირება. მოსწავლის პროფილი საჯარო კატალოგში არ ქვეყნდება.

3. როგორ ვიყენებთ მონაცემებს

• ანგარიშისა და პროფილის შექმნისა და მართვისთვის;
• მასწავლებლების კატალოგში ძიებისა და ფილტრაციისთვის;
• პროფილების შემოწმებისა და მომხმარებლის შეფასებების მართვისთვის;
• ანგარიშის უსაფრთხოებასთან დაკავშირებული წერილების გასაგზავნად;
• მომსახურების ხარისხისა და საიტის მუშაობის გასაუმჯობესებლად.

4. შეფასებები და ანტისპამი

შეფასების დაწერა სტუმარსაც შეუძლია და ის მასწავლებლის პროფილზე დაუყოვნებლივ ქვეყნდება. ბოროტად გამოყენების შესამცირებლად მოწყობილობაზე ვინახავთ შემთხვევით ტექნიკურ იდენტიფიკატორს, რომელიც არ შეიცავს შენს სახელს, ელფოსტას ან ტელეფონს. შეფასების გასაჩივრება სტუმარს შეუძლია, ხოლო მისი წაშლა — შესაბამის მასწავლებელს ან Masmas-ის ადმინისტრატორს.

სპამისა და ზედმეტად ხშირი მოთხოვნების შესაზღუდად სერვერზე ვიყენებთ ქსელის მისამართის (IP), ანგარიშის ან ტექნიკური იდენტიფიკატორისგან მიღებულ დაცულ ტექნიკურ კოდებს. ამ დამცავ ცხრილში არ ინახება დაუმუშავებელი IP, ელფოსტა ან შეტყობინების ტექსტი. კოდები ყოველდღიურად იცვლება; დროებითი მრიცხველები მათი დროის ფანჯრის დასრულებიდან 48 საათის შემდეგ, მომდევნო მოთხოვნებისას ეტაპობრივად იწმინდება. ეს მონაცემები საჯაროდ და მასწავლებლის ანალიტიკაში არ ჩანს.

5. მასწავლებლის პროფილის ანალიტიკა

მასწავლებელს საკუთარი პროფილის ეფექტიანობის სანახავად ვაჩვენებთ შეჯამებულ სტატისტიკას: კატალოგსა და Masmas Match-ში გამოჩენას, პროფილის ნახვებს, რეკომენდაციიდან პროფილზე გადასვლას, უნიკალური მოწყობილობების მიახლოებით რაოდენობას, საკონტაქტო ნომრის გახსნას, დარეკვისა და WhatsApp-ის ღილაკებზე მოქმედებებს და რჩეულებში დამატებას. ამისთვის მოწყობილობაზე ინახება შემთხვევითი ტექნიკური იდენტიფიკატორი. ის არ შეიცავს სახელს, ელფოსტას, ტელეფონს ან ზუსტ მისამართს და პროფილის მფლობელს მხოლოდ შეჯამებული შედეგები ეჩვენება. პირველადი ტექნიკური ჩანაწერები მაქსიმუმ 120 დღემდე ინახება.

6. არასრულწლოვანთა მონაცემები

16 წლის ან უფროსი მოსწავლე თანხმობას თავად ადასტურებს. 16 წლამდე მოსწავლის ანგარიშს ქმნის მშობელი ან სხვა კანონიერი წარმომადგენელი, უთითებს საკუთარ სახელსა და ელფოსტას და ელექტრონულად ადასტურებს თანხმობას. არასრულწლოვანის მონაცემებს ვიყენებთ მხოლოდ ანგარიშისა და სასწავლო პარამეტრების სამართავად და ვითვალისწინებთ მის საუკეთესო ინტერესებს.

7. მონაცემების შენახვა და უსაფრთხოება

ანგარიშისა და პროფილის მონაცემები ინახება დაცულ მონაცემთა ინფრასტრუქტურაში. პაროლის ტექსტს Masmas არ ხედავს და არ ინახავს ღია ფორმით. ვიყენებთ წვდომის შეზღუდვას, სესიების დაცვასა და ბაზის უსაფრთხოების წესებს, თუმცა ინტერნეტში მონაცემთა გადაცემის აბსოლუტური უსაფრთხოების გარანტირება შეუძლებელია.

8. გაზიარება და მომწოდებლები

PRO-ის გადახდისას ბარათის მონაცემებს საქართველოს ბანკი ამუშავებს საკუთარ დაცულ გვერდზე. Masmas ინახავს შეკვეთის ნომერს, ანგარიშის ელფოსტას, თანხას, ვალუტას, გადახდის სტატუსს, გამოწერის პერიოდს, განახლების თანხმობასა და განახლება/გაუქმებისთვის საჭირო საბანკო იდენტიფიკატორებს. გადახდის ჩანაწერები საჯარო არ არის; მათზე წვდომა აქვს მხოლოდ ანგარიშის მფლობელსა და უფლებამოსილ ადმინისტრატორს. ანგარიშის წაშლა ავტომატურად არ შლის გადახდების მოსაგვარებლად და მოქმედი შენახვის მოთხოვნების შესასრულებლად საჭირო ჩანაწერებს.

მონაცემებს არ ვყიდით. ტექნიკური მომსახურებისთვის ვიყენებთ სანდო ინფრასტრუქტურულ მომწოდებლებს, მათ შორის ანგარიშების, მონაცემთა ბაზის, ფაილებისა და ელფოსტის მომსახურებებს. საიტის გამოყენების გასაზომად ვიყენებთ Google Analytics-სა და Meta Pixel-ს, რომლებმაც შეიძლება დაამუშაონ ნანახი გვერდები, ღილაკებზე მოქმედებები, მოწყობილობისა და ბრაუზერის მონაცემები, მიახლოებითი რეგიონი და საიტზე შემოსვლის წყარო. მათ განზრახ არ ვუგზავნით სახელს, ელფოსტას ან ტელეფონის ნომერს. მომწოდებლებს მონაცემებზე წვდომა აქვთ მხოლოდ შესაბამისი მომსახურების ფარგლებში.

9. შენი უფლებები

შეგიძლია პროფილიდან შეცვალო მონაცემები, ჩამოტვირთო მათი ასლი ან წაშალო ანგარიში და მასთან დაკავშირებული პროფილის მონაცემები. მხარდაჭერის მოთხოვნისთვის მოგვწერე იმ ელფოსტიდან, რომელზეც ანგარიშია რეგისტრირებული. შეიძლება დაგვჭირდეს ანგარიშის მფლობელობის დადასტურება.

10. კონტაქტი

კონფიდენციალურობასთან დაკავშირებული კითხვებისთვის მოგვწერე infomasmasge@gmail.com-ზე. მომსახურების გამოყენება ასევე ექვემდებარება ჩვენს მომსახურების პირობებს.